Cyberbullying (Sintesis)

Ang cyberbullying ay laganap na sa Pilipinas at ito ay kadalasang nangyayari sa sosyal midya, online messaging platforms, gaming platforms, at sa mga telepono or selpon. Ang cyberbullying ay paraan ng pagpapahiya ng isang tao gamit ang mga larawan, bidyo, o mensahe na naglalayong makasakit, makapanloko, at manakot ng ibang tao. Ito ay nag-iiwan ng digital footprint na maaaring ma-access ng karamihan, at magsilbing ebidensya sa pag-report at pagtigil ng pang-aabuso. Kadalasan, hindi madaling sabihin na nangyayari ang pangyayaring ito dahil minsan ay idinadaan lamang ito sa biro na hindi dapat seryosohin. Ngunit kapag nagtuloy-tuloy pa rin ang mga birong ito kahit nakakasakit na ay maaaring bullying na ang nararanasan. Nag-iiwan ito ng epekto sa pisikal, emosyonal, at mental na kalagayan ng isang tao, at maaari pang humantong sa mas malalang bagay katulad ng pagkitil ng buhay.

Maaari namang humingi ng tulong sa magualang, kaibigan na nasa hustong gulang na, guro, school counselor, o propesyunal na tagapayo kapag sa tingin ng isang tao ay naaabuso na sila. Maaari ring i-block at i-report ang pambubully sa mga plataporma ng sosyal midya dahil sila ay obligadong panatilihing ligtas ang kanilang mga users. Kahit sino ay puwedeng makaranas ng cyberbullying kaya mabutihin ring magpakita ng suporta at makipag-usap sa taong nabibiktima. Hindi sa lahat ng pagkakataon ay ligtas ang pagbahagi ng kung anu-ano sa sosyal midya dahil baka magamit ng ibang tao ang mga impormasyong ito laban sa iyo. Mabuti nang maging pribado at huwag basta-bastang ibibigay ang mga personal na impormasyon katulad ng buong pangalan, tirahan, at contact details. Mag-isip ng mabuti bago mag-post (think twice before you post).


Buod ng artikulong Cyberbullying: Ano ito at paano ito mapipigilan?
Source: https://www.unicef.org/philippines/cyberbullying-ano-ito-paano-ito-mapipigilan

Comments

Post a Comment

Popular posts from this blog

Panimulang Pananaliksik (Abstrak, Sintesis, at Bionote)

Abstrak Kahulugan :  Ang Abstrak ay isang uri ng lagom na karaniwang ginagamit sa pagsulat ng mga akademikong papel tulad ng tesis, papel na siyentipiko, teknikal na lektyur, at mga report. Ito ay kadalasang bahagi ng isang tesis o disertasyon na makikita sa unahan ng pananaliksik pagkatapos ng title page o pahina ng pamagat. Naglalaman ito ng pinakabuod ng buong akdang akademiko o ulat.  Katangian : 1. Binubuo ng 200 - 250 na salita. 2. Gumagamit ng mga simpleng pangungusap. 3. Walang impormasyong hindi nabangit sa papel. 4. Madaling maunawaan ng target na mambabasa. 5.  Kumpleto ang mga bahagi. Sintesis Kahulugan: Ang Sintesis o buod ay ang pinakamahalagang kaisipan ng anumang teksto. Ito ay isang bersyon ng pinaka maikling teksto o babasahin. Ito ay ang paglalahad ng anumang kaisipan o natutunang impormasyong nakuha mula sa tekstong binasa na nasa yamang pagkasunod-sunod ng mga pangyayari. Ikinakapit dito ang salitang “sumaryo” na layuning panatilihin ang mga mahahala...
Read more

Ang Pag-ibig: Isang Di-Matatawarang Lakas (Talumpati)

Magandang araw sa inyong lahat! Sa mundong puno ng pagbabago, teknolohiya, at mabilis na takbo ng buhay, may isang bagay na hindi kailanman kumukupas—ang pag-ibig. Ngunit ano nga ba ang tunay na kahulugan nito? Ang pag-ibig ay hindi lamang matamis na salita o matatamis na sandali. Ito ay isang sakripisyo, isang paninindigan, at higit sa lahat, isang desisyong paulit-ulit nating pinipili araw-araw. Hindi ito laging madali. May sakit, may luha, may pagkabigo. Ngunit sa kabila ng lahat, patuloy tayong nagmamahal, dahil ang pag-ibig ay hindi lamang tungkol sa kasiyahan kundi tungkol din sa kakayahang manatili kahit mahirap na. Kapag naririnig natin ang salitang "pag-ibig," madalas itong iniuugnay sa romantikong relasyon—mga matatamis na salita, masayang alaala, at pangakong walang hanggan. Ngunit sa mas malalim na pag-unawa, ang pag-ibig ay hindi lamang isang personal na damdamin kundi isang puwersang maaaring makapagpabago ng lipunan. Ngunit paano kung ang pag-ibig mismo ay nagi...
Read more

Taylor Swift (Micro-bionote)

Taylor Alison Swift (ipinanganak noong Disyembre 13, 1989) ay isang Amerikanong mang-aawit at manunulat ng kanta. Kilala sa kanyang awtobiyograpikal na pagsulat, malikhaing pagbabago, at malaking impluwensya sa kultura, si Swift ay isang nangungunang personalidad sa pop music at madalas na tampok sa media, na may malawak na fanbase na kilala bilang Swifties . Isa siyang pandaigdigang superstar na nakaakit ng maraming tagapakinig sa pamamagitan ng kanyang taos-pusong liriko at nakakahumaling na mga himig. Noong 2024, gumawa siya ng kasaysayan nang manalo ng Grammy Award para sa   Midnights   (2022) at kumita ng $2 bilyon sa   Eras Tour . Instagram :  Taylor Swift (@taylorswift) Facebook : Taylor Swift Twitter/X : Taylor Swift (@taylorswift13)
Read more